Ռոբոտների
համաշխարհային
օլիմպիադա

Ռոբոտների համաշխարհային օլիմպիադա

Պատմություն

Ռոբոտների համաշխարհային օլիմպիադան (World Robot Olympiad, ՌՀՕ) գիտության, տեխնոլոգիայի և կրթության ոլորտներին առնչվող նախագիծ է, որը միավորում է ողջ աշխարհի երիտասարդներին՝ նպատակ ունենալով զարգացնել նրանց ստեղծարարությունը և նախագծելու և խնդիրներ լուծելու հմտությունները` կրթական հետաքրքիր մրցույթների միջոցով։

Արդեն 11 տարի է, ինչ ՌՀՕ-ն կառուցում է այս կրթական հարթակը։ Միջազգային առաջին մրցույթը տեղի է ունեցել 2004 թ.-ին, երբ մասնակցել է 12 երկրից 4000 թիմ։

Ռոբոտիկան հիանալի հարթակ է 21-րդ դարի մարտահրավերների դիմագրավմանն անհրաժեշտ հմտություններ ձեռք բերելու համար։ Ռոբոտիկան առնչվում է բազմաթիվ ուսումնական առարկաների հետ, և եթե աշակերտները լավ սովորեն բնագիտական առարկաները, ճարտարագիտությունը, մաթեմատիկան և համակարգչային ծրագրավորումը, ապա ձեռք բերված գիտելիքները կկարողանան լավագույնս կիրառել ռոբոտիկայում։

Մեր մասին

Ռոբոտների համաշխարհային օլիմպիադայի ազգային փուլի անցկացումը «Այբ» կրթական հիմնադրամի բազմաթիվ ծրագրերից մեկն է, որն ուղղված է հանրակրթության ոլորտում տաղանդավոր երեխաների բացահայտմանը:

«Այբ»-ն ամեն տարի մեր երկրում անցկացնում է նաև մի շարք այլ միջազգային ու տեղական զանգվածային դպրոցական մրցույթներ՝ «Կենգուրու. մաթեմատիկան բոլորի համար», «Մեղու. հայերենը բոլորի համար», «Ռուսական արջուկ. լեզվաբանությունը բոլորի համար», Պատանի քիմիկոսների համահայկական մրցաշար: Այս մրցույթներով «Այբ»-ն անգամ ամենահեռավոր գյուղերի երեխաներին հնարավորություն է տալիս աշխարհում իրենց միլիոնավոր տարեկիցների հետ ուժերը փորձելու և դպրոցական առարկաները նորովի՛ ճանաչելու ու սիրելու:

robot_v02_register

Թիմերի գրանցում

ՌՀՕ-ն թիմային մրցույթ է։ Մասնակից թիմերը նախագծում ու կառուցում են ռոբոտի մոդել, որը կարողանում է իրական կյանքում ծագող խնդիրներ լուծել:

Թիմում մասնակիցների նվազագույն թիվը 2-ն է, առավելագույնը` 3-ը: Թիմը պետք է ունենա մարզիչ, ով պետք է լինի առնվազն 20 տարեկան: Թիմի մարզիչը չի կարող լինել թիմի անդամ:

1.    Տարրական դպրոցի տարիք. մինչև 12 տարեկան աշակերտներ (մրցույթի տարվա դրությամբ)
2.    Միջին դպրոցի տարիք. 13-15 տարեկաններ (մրցույթի տարվա դրությամբ)
3.    Ավագ դպրոցի տարիք. 16-19 տարեկաններ (մրցույթի տարվա դրությամբ)
4.    «ՌՀՕ ֆուտբոլ» մրցույթի մասնակիցներ. 10-19 տարեկաններ (մրցույթի տարվա դրությամբ)

Օլիմպիադային մասնակցելու համար հարկավոր է մասնակցության հայտ լրացնել մինչև 2016 թ. մայիսի 17-ը ներառյալ:

1
2
3
Ուղարկում ...
Գրանցումը ավարտված է:

Հաճախ Տրվող Հարցեր

Ո՞վ կարող է մասնակցել մրցույթին


Մրցույթին կարող են մասնակցել 10-19 տարեկան աշակերտները հետևյալ տարիքային խմբերից որևէ մեկով.

  • տարրական դպրոցի մասնակիցներ` մինչև 12 տարեկան.
  • միջին դպրոցի մասնակիցներ` 13-15 տարեկան.
  • ավագ դպրոցի մասնակիցներ` 16-19 տարեկան.
  • «ՌՀՕ ֆուտբոլ» մրցույթի մասնակիցներ` 10-19 տարեկան:

Որքա՞ն է կազմում մասնակցության վճարը


2016թ.-ի համար մասնակցության վճար նախատեսված չէ:

Ո՞րն է գլխավոր մրցանակը


  • Գլխավոր մրցանակ` մասնակցություն 2016 թ.-ի Ռոբոտիկայի համաշխարհային օլիմպիադայի միջազգային փուլին:
  • 2016 թ.-ի Ռոբոտիկայի համաշխարհային օլիմպիադայի միջազգային փուլին հայաստանյան թիմ(եր)ի մասնակցության ծախսերը հոգում է «Այբ» կրթական հիմնադրամը:

Ե՞րբ են առաջադրանքները հրապարակվում


Առաջադրանքները հրապարակվում են տվյալ տարվա միջազգային փուլից հետո մինչև հաջորդ տարվա հունվարի վերջ ընկած ժամանակահատվածում:

Եթե Ձեզ հետաքրքրող հարցն այս բաժնում կամ մրցույթի անցկացման կարգում չգտնեք, գրեք wro@ayb.am էլհասցեին կամ զանգահարեք (+ 374 10) 54-37-07 հեռախոսահամարով. պատրաստ ենք սիրով պատասխանելու բոլոր հարցերին:

robot_v05_faq

Հետադարձ կապ

Երևան 0009, Կորյունի փ. 19ա, 9-րդ հարկ
Հեռ./ֆաքս` (+ 374 10) 54-37-07
Էլփոստ` wro@ayb.am

Գրեք մեզ

Բաժանորդագրվի՛ր «Այբ»-ի նորություններին

wro
ayb